મેડિકલ વિજ્ઞાનના ક્ષેત્રે થયેલી પ્રગતિને કારણે આજે નકામી ચિંતા (એંગ્ઝાઈટી), ડિપ્રેશન, ઓબ્સેસિવ કંપલ્સિવ ડિસઓર્ડર, સ્કીઝોફ્રેનિયા જેવી માનસિક બીમારીઓની સારવાર શક્ય બની છે. આજે એ સાબિત થઈ ગયું છે કે માનસિક બીમારીઓ કોઈ શાપ કે પૂર્વજન્મનું ફળ નથી, પરંતુ શારીરિક બીમારીની જેમ જ તે પ્રતિકૂળ વાતાવરણ તથા વિષમ પરિસ્થિતિને કારણે ઉદ્ભવે છે. માનસિક રોગીઓ તિરસ્કારને પાત્ર નહીં, પરંતુ સહાનુભૂતિને પાત્ર છે. જો માનસિક રોગીઓને યોગ્ય સારવાર આપવામાં આવે તો એ પણ સામાન્ય અને સક્રિય જીવન જીવી શકે છે.
